Canalblog
Editer l'article Suivre ce blog Administration + Créer mon blog
Publicité
La cabra e lo lop
17 août 2009

Lo conse e la Sijanòta (3)

[Resumit dels episòdis 1 et 2 : Lo novel conse vòl que la populacion conesca qu'es un crane desfensor del servici public. De qué far ? Fotre defòra los calandrons, de segur !]

L'afar es plegat. La lauseta,
Emai la trobetz manhagueta,
Te li van calmar lo bresilh
Amb un brave còp de fusilh.
Pasmens, çai o endacòm mai,
L'arbitrari caça jamai
Sens se cargar una masqueta
Qu'acapte sa missanta tèsta.

"Sabetz que la securitat
Es la mèuna prioritat,"
Çò ditz lo conse a la polalha
Que li servís de conselalha,
"Aqui dessùs, la Calandreta,
Per parlar clar, es gaire neta :
Dins lo local, i a de dangièrs
Qu'an mancats los quites pompièrs ;

Es quicòm que se pòt ni veire,
Ni explicar. Me devètz creire !
(Disi res del perilh moral
De parlar coma un animal)
Figuratz vos qu'un calandron
S'escaraunhe lo genolhon,
Los parents serián plan capables
De ne nos rendre responsables...

Nos anam pas daissar bicar :
Defòra los anam ficar !"
E lo conselh municipal
Benesís lo polit trabalh ;
Son d'elegits que sens dilèma,
Sens i veire ges de problèma,
Sens lagrimas e sens remòrs,
Votarián per lor pròpia mòrt.

De seguir...

sigean_1_1280_1_

Publicité
Publicité
Commentaires
R
Et vous trouvez ça drôle...<br /> <br /> Roger - Républicain Sijanais
L
Mercés al Comitat de Correccion qu'a pas daissat : "Per qué lo dangièr non demòra - Los anam tots ficar defòra !" Lo subjonctiu m'a tuar !
L
Bon, la fin (provisòria ?) de l'istòria la conoissetz benlèu ja : la Sijanòta va servar son local un an de mai ! I aurà un quatren episòdi per o vos contar tot. <br /> Aquò dich, lo rimalhaire se'n va en vacanças ambe la familha fins a la fin del mes de septembre... <br /> Potons e a lèu !
La cabra e lo lop
Publicité
La cabra e lo lop
Archives
Publicité