21 mars 2009
Lo francés : quant de mots ?
Del 16 al 23 de març se debana la setmana de la lenga francesa. Ongam an causit de balhar al public detz mots que fagan veire la capacitat del francés d’exprimir l’avenidor. Aquestes "mots per doman" son : ailleurs, capteur, clair de Terre, clic, compatible, désirer, génome, pérenne, transformer, vision.
Vesem aicí que la lenga francesa es un produch de mal vendre qu’acara un problèma d’imatge, puèi qu'a besonh de publicitat, d’una brava campanha marketing per faire plan encapar al monde qu’es pas una lenga endarrieira, pas capabla d’exprimir que d’idèias vielhassas (un patés, qué !), mas una lenga que val còp de contunhar de parlar al sègle XXI. Vaqui doncas lo francés fòrçat de provar sa modernitat coma quina lenga minorizada que siá... I a de que s'escacalassar !
Per balhar un còp de man a nòstres amics burocratas del ministèri de la cultura que se carpinhan dins lor canton e los ajudar de se dobrir al monde que ven, lor prepausam d’apprendre un bocin d’occitan. De començar ambe detz mots per soscar : vergonha, capbordisa, caganha, cagada, amarum, espelida, reviscolar, convivéncia, amor, estelum.
(sus una idèia raubada a Bojaron...)
http://www.semainelf.culture.fr/
http://www.liberation.fr/culture/0101554784-la-langue-francaise-a-dix-mots
Commentaires
E enquera, semblas pas 'ver auvit radiò-parís queu divendres ser, lo 20 de març.
http://www.radiofrance.fr/franceinter/em/etpourtantelletourne/index.php?id=77746
i a 'gut una pagine entiera de propaganda per lo francés dins los ancians país de l'empire. Emb las mesmas metòdas que per nòstres pairs : un mot Wolof per esemple, egau un "totem" e la punicion a la fin de la jornada.
sempre en retard
Coma un occitanista normal, ai vist en retard aquesta cronica ... e coma la pub pel francés sembla mai faita, normal sortiscan totes de fac de letras !, ai pogut apreciar la promocion del francés qu'ambé ta cronica.
Dins l'ensemble dels mots que cal saber per la promocion de l'occitan, apondrai : sindròma e Stockholm...
De res e bona serada, godilhardament vòstre.
Poster un commentaire
Rétroliens
URL pour faire un rétrolien vers ce message :
http://www.canalblog.com/cf/fe/tb/?bid=491703&pid=13062621
Liens vers des weblogs qui référencent ce message :
