Canalblog
Editer l'article Suivre ce blog Administration + Créer mon blog
Publicité
La cabra e lo lop
8 décembre 2008

Nosautres orangotans

Lo siti « Obsevatòri del Comunautarisme » amassa d’articles que nos ensenhan que tota afirmacion publica d’una diferéncia que que sia (lingüistica, sexuala, religiosa...) es lo cancer mai dangierós per l’armonia de la nòstra societat. S’avetz leser e se per cas lo sicut vos interessa vos i podetz conectar, mas la lectura ne ven lèu pesuga. Ça que la s’i pòdan trapar d’unas perlas plan regaudissantas. Coma aquela entrevista d’una certa Anne-Marie Le Pourhiet : « La disciminacion positiva marca lo retorn al drech dels orangotans ».

La dòna, qu’es professora de drech publíc, invectiva, insolenta e mesprèsa a refòfi, amb una ràbia que se pòdria calificar de castratritz. Rai d'aquò, çò interessant es l’alusion al primata :

orangutan_jungle_forest_1_

Dins l’article, pretend que la fòrmula « drech del orangotans » seria d’Ernest Renan. D’efièch, es extracha d’una letra escricha en septembre 1871 a David Strauss,: « Amb aquela filosofia de l’Istòria, » segon la quala Alsaça es germanica abans d’èstre francesa, « i aurà pas mai que lo drech dels orangotans de legitim dins lo monde, despossedats d’un biais injust per la perfidèsa dels civilisats. » Aital lo monin li manca pus que de cargar un casco de poncha :

1917

Detalh d'una estampa americana de 1917

Vaquí dins quin univers mental manòbra l’Observatòri del comunautarisme : lo de la lucha contra la barbaria prussiana, entretenguda dins la nafradura deliciosa de la perda d’Alsaça e Lorena. M’anatz dire que los nacionalistas francèses an pus gaire a posita un enemic tant odiós coma l’alemand. Vos enganatz ! Se legissetz plan lo siti, aprendretz que los nostalgics d’Alemania bèla sostengan a l’amagat los federalistas europencs !

Tornam al orangotan. El que viu dins la forest pluviala de Sumatrà e Borneò veguèt son abitat destrusit a 80 de cent dempuèi las vingt darrièras annadas, de tal biais que risca plan de desaparèisser dins las detz annadas que venon, levat dins los zoòs. La sola imatge d’orangotan qu’aurem l’escasença de veire serà doncas puslèu aquela :

Orang_utan_mother_and_baby_Zoo_Frankfurt_Rovdyr_1_

Se n’avetz ja vist un, darrièr sa grasilha, probable que coma a ieu vos a tocada l'umanitat d’aquela bèstia, umanitat que raja de son agach, de son actitud, de sas mans, de sos gèsts... Li manca pas que la paraula. Diderot nos conta d'alhors que lo Cardenal de Polinhac, en se passejar dins lo jardin del rei, encontrèt un orangotan e li diguèt : « Parla e te bategi ! ». « Semblava un Sant-Joan presicaire », çò apond Diderot. L'orangotan demorèt mut.

Pasmens son silenci es pas gaire una prova, que segon una legenda javanèsa los orangotans se calan pr'amor vòlon pas que los òmes los fòrcen de trabalhar… E puèi, segon lo quite Diderot : « escriure, es l'art d'alongar los braçes ». E aquò, l’orangotan o sap faire.

orangotan_e_ordenador

Publicité
Publicité
Commentaires
J
Adiu,<br /> de legir sus queu sit, comunautariste maitot, la parladura dau L.G.Tin<br /> <br /> http://www.communautarisme.net/Louis-Georges-Tin,-porte-parole-du-CRAN-la-rhetorique-anti-communautaire-n-est-pas-contre-les-communautes,-elle-est_a710.html<br /> <br /> [...]<br /> OC : Mais alors, à force de soutenir toutes les minorités, est-ce que vous ne sombrez pas dans le communautarisme ?<br /> L-G T : Nous appartenons presque tous à des minorités, c'est-à-dire à des groupes minorés, dominés : que l'on soit femme, campagnard, banlieusard, provincial, jeune, vieux, homosexuel, juif, noir, arabe, handicapé, etc. La plupart des gens appartiennent à un, et souvent à plusieurs groupes dominés. En cela, je ne lutte pas pour les minorités, je lutte contre les minorations, c'est-à-dire contre ce travail social très particulier qui vise à constituer comme inférieurs certains individus et certains groupes sociaux.<br /> De même, nous appartenons tous et toutes à plusieurs communautés, la communauté familiale, la communauté professionnelle, la communauté nationale, les communautés rurales, les communautés ouvrières, les communautés de quartier, etc. Le XVIe arrondissement à Paris est une communauté en soi, mais personne ne songe à critiquer le communautarisme du XVIe arrondissement. Je ne dis pas qu'il faudrait le faire. Mais je remarque qu'on s'acharne uniquement sur certaines communautés, et pas sur les autres, qui ne sont même pas perçues comme telles, communautés évidentes, et néanmois invisibles. Bref, la rhétorique anti-communautaire n’est pas contre les communautés, elle est contre certaines communautés.<br /> <br /> OC : Est-ce à dire que vous rejetez totalement l'universalisme ?<br /> L-G T : Permettez-moi d'abord une remarque : la prétention à l’universalisme n’est pas universelle. En Angleterre, en Espagne, en Allemagne, en Chine, au Congo ou au Mexique, on ne se pique pas d’être universaliste, le mot n’ayant pas de pertinence particulière dans le débat social de ces pays. Il faut remarquer que la prétention à l’universalisme est en fait une spécificité française. Encore tous les Français ne se soucient-ils pas d’universalisme. En effet, plus on descend dans la hiérarchie sociale, plus la propension à se réclamer de l’universalisme diminue. La France d'en bas, comme dirait l'autre, se soucie de chômage, de sécurité, de logement, mais certainement pas d'universalisme. Bref, l’universalisme n’est pas une spécificité française, c’est une spécificité des élites françaises.[...]
L
Adieu Godilhaire ! Solide que de matèria n'i a a bodre, macarel, nos farem vielhs que n'aurai pas balhada la mitat...
G
vesi que ton trabalh es pron important, n'as trapat per dètz annadas de medalhables sus aqueste site !
La cabra e lo lop
Publicité
La cabra e lo lop
Archives
Publicité